Gure eskaintza
Arizmendi Ikastolan lanean hasteko profesional gaituak prestatzen ditugu; horretarako, ikaskuntza praktikoa eskaintzen dugu, euskaraz, eta inguruko enpresen eskakizunetara egokituta.
Lanbide Heziketa
1990etik eskaintzen dugu Lanbide Heziketa eta gaur egun, etorkizun handiko hiru familiatan espezializaturik gaude: Eraikuntza eta Obra Zibila, Gorputz eta Kirol Ekintzak eta Osasungintza.
Hiru familia profesional hauen barruan, goi mailako hiru titulazio eskaintzen ditugu: Eraikuntzako proiektuen garapena eta aplikazioa, Obra eta planen burutzapena; Gorputz eta kirol ekintzen animazioa; eta erdi-mailako Erizaintzaren laguntza osagarriak.
Prestakuntza iraunkorra
Langileentzat zuzendutako programa da hau. Enpresa, erakunde publiko zein pribatuen, eta langileen prestakuntzaren eta eguneratze-lanen eskakizunak betetzea da Arizmendiren nahia esparru honetan. Langileen gaitasunak hobetzea da gure asmoa, bezeroei zein merkatuaren eskakizunei modu eraginkorrenean erantzun ahal izateko.
Lanerako prestakuntza
Lanerako prestakuntza langabetuei zuzendutako prestakuntza da, beraien lan munduratzea errazteko. Lan merkatuak dituen beharrak detektatuta, INEMen laguntzaz, prestakuntza espezifikoa antolatzen dugu.
Lanbide hastapena
Programa hau Derrigorrezko Bigarren Hezkuntzako titulua eskuratu ez duten 16-18 urte bitarteko ikasleei zuzenduta dago.
Irakaskuntza-arautuan ikasten jarraitzeko aukerak zabaltzeko, DBHn jaso duen oinarrizko prestakuntzan sakontzen du ikasleak. Modu honetara, eginkizun jakin batzuk betetzeko prestatzeaz gain, ikasleak Erdi Mailako Prestakuntza Zikloetan ikasteko aukera izango du.
